Articles by " admin"
Jan 28, 2013 - Ezra    No Comments

Ezra 7:11

Play

Podcast: Play in new window | Download (Duration: 46:14 — 15.9MB)

Subscribe: Email | RSS

יא וְזֶה פַּרְשֶׁגֶן הַנִּשְׁתְּוָן, אֲשֶׁר נָתַן הַמֶּלֶךְ אַרְתַּחְשַׁסְתְּא, לְעֶזְרָא הַכֹּהֵן, הַסֹּפֵר:  סֹפֵר דִּבְרֵי מִצְו‍ֹת-יְהוָה, וְחֻקָּיו–עַל-יִשְׂרָאֵל.  {פ}

יב אַרְתַּחְשַׁסְתְּא–מֶלֶךְ, מַלְכַיָּא:  לְעֶזְרָא כָהֲנָא סָפַר דָּתָא דִּי-אֱלָהּ שְׁמַיָּא, גְּמִיר–וּכְעֶנֶת.

יג מִנִּי, שִׂים טְעֵם–דִּי כָל-מִתְנַדַּב בְּמַלְכוּתִי מִן-עַמָּא יִשְׂרָאֵל וְכָהֲנוֹהִי וְלֵוָיֵא לִמְהָךְ לִירוּשְׁלֶם עִמָּךְ, יְהָךְ.

יד כָּל-קֳבֵל, דִּי מִן-קֳדָם מַלְכָּא וְשִׁבְעַת יָעֲטֹהִי שְׁלִיחַ, לְבַקָּרָה עַל-יְהוּד, וְלִירוּשְׁלֶם–בְּדָת אֱלָהָךְ, דִּי בִידָךְ.

טו וּלְהֵיבָלָה, כְּסַף וּדְהַב–דִּי-מַלְכָּא וְיָעֲטוֹהִי, הִתְנַדַּבוּ לֶאֱלָהּ יִשְׂרָאֵל, דִּי בִירוּשְׁלֶם, מִשְׁכְּנֵהּ.

טז וְכֹל, כְּסַף וּדְהַב, דִּי תְהַשְׁכַּח, בְּכֹל מְדִינַת בָּבֶל–עִם הִתְנַדָּבוּת עַמָּא וְכָהֲנַיָּא מִתְנַדְּבִין, לְבֵית אֱלָהֲהֹם דִּי בִירוּשְׁלֶם.

Jan 25, 2013 - Ezra    No Comments

Ezra 7:7

Play

Podcast: Play in new window | Download (Duration: 50:10 — 17.2MB)

Subscribe: Email | RSS

ז וַיַּעֲלוּ מִבְּנֵי-יִשְׂרָאֵל וּמִן-הַכֹּהֲנִים וְהַלְוִיִּם וְהַמְשֹׁרְרִים וְהַשֹּׁעֲרִים, וְהַנְּתִינִים–אֶל-יְרוּשָׁלִָם:  בִּשְׁנַת-שֶׁבַע, לְאַרְתַּחְשַׁסְתְּא הַמֶּלֶךְ.

ח וַיָּבֹא יְרוּשָׁלִַם, בַּחֹדֶשׁ הַחֲמִישִׁי:  הִיא שְׁנַת הַשְּׁבִיעִית, לַמֶּלֶךְ.

ט כִּי, בְּאֶחָד לַחֹדֶשׁ הָרִאשׁוֹן–הוּא יְסֻד, הַמַּעֲלָה מִבָּבֶל; וּבְאֶחָד לַחֹדֶשׁ הַחֲמִישִׁי, בָּא אֶל-יְרוּשָׁלִַם, כְּיַד-אֱלֹהָיו, הַטּוֹבָה עָלָיו.

י כִּי עֶזְרָא הֵכִין לְבָבוֹ, לִדְרֹשׁ אֶת-תּוֹרַת יְהוָה וְלַעֲשֹׂת, וּלְלַמֵּד בְּיִשְׂרָאֵל, חֹק וּמִשְׁפָּט.  {ס}

Jan 24, 2013 - Ezra    No Comments

Ezra 7:6

Play

Podcast: Play in new window | Download (Duration: 49:35 — 17.0MB)

Subscribe: Email | RSS

ו הוּא עֶזְרָא, עָלָה מִבָּבֶל, וְהוּא-סֹפֵר מָהִיר בְּתוֹרַת מֹשֶׁה, אֲשֶׁר-נָתַן יְהוָה אֱלֹהֵי יִשְׂרָאֵל; וַיִּתֶּן-לוֹ הַמֶּלֶךְ, כְּיַד-יְהוָה אֱלֹהָיו עָלָיו–כֹּל, בַּקָּשָׁתוֹ.  {פ}

Pages:«1...527528529530531532533...610»