Articles by " admin"
Jan 16, 2013 - Ezra    No Comments

Ezra 5:4

Play

Podcast: Play in new window | Download (Duration: 44:11 — 15.2MB)

Subscribe: Email | RSS

ד אֱדַיִן כְּנֵמָא, אֲמַרְנָא לְּהֹם:  מַן-אִנּוּן שְׁמָהָת גֻּבְרַיָּא, דִּי-דְנָה בִנְיָנָא בָּנַיִן.

ה וְעֵין אֱלָהֲהֹם, הֲוָת עַל-שָׂבֵי יְהוּדָיֵא, וְלָא-בַטִּלוּ הִמּוֹ, עַד-טַעְמָא לְדָרְיָוֶשׁ יְהָךְ; וֶאֱדַיִן יְתִיבוּן נִשְׁתְּוָנָא, עַל-דְּנָה.  {פ}

ו פַּרְשֶׁגֶן אִגַּרְתָּא דִּי-שְׁלַח תַּתְּנַי פַּחַת עֲבַר-נַהֲרָה, וּשְׁתַר בּוֹזְנַי וּכְנָוָתֵהּ, אֲפַרְסְכָיֵא, דִּי בַּעֲבַר נַהֲרָה–עַל-דָּרְיָוֶשׁ, מַלְכָּא.

 ז פִּתְגָמָא, שְׁלַחוּ עֲלוֹהִי; וְכִדְנָה כְּתִיב בְּגַוֵּהּ, לְדָרְיָוֶשׁ מַלְכָּא שְׁלָמָא כֹלָּא.  {ס}

ח יְדִיעַ לֶהֱוֵא לְמַלְכָּא, דִּי-אֲזַלְנָא לִיהוּד מְדִינְתָּא לְבֵית אֱלָהָא רַבָּא, וְהוּא מִתְבְּנֵא אֶבֶן גְּלָל, וְאָע מִתְּשָׂם בְּכֻתְלַיָּא; וַעֲבִידְתָּא דָךְ אָסְפַּרְנָא מִתְעַבְדָא, וּמַצְלַח בְּיֶדְהֹם.  {ס}

ט אֱדַיִן, שְׁאֵלְנָא לְשָׂבַיָּא אִלֵּךְ, כְּנֵמָא, אֲמַרְנָא לְּהֹם:  מַן-שָׂם לְכֹם טְעֵם, בַּיְתָא דְנָה לְמִבְנְיָה, וְאֻשַּׁרְנָא דְנָה, לְשַׁכְלָלָה.

י וְאַף שְׁמָהָתְהֹם שְׁאֵלְנָא לְהֹם, לְהוֹדָעוּתָךְ–דִּי נִכְתֻּב שֻׁם-גֻּבְרַיָּא, דִּי בְרָאשֵׁיהֹם.  {ס}

יא וּכְנֵמָא פִתְגָמָא, הֲתִיבוּנָא לְמֵמַר:  אֲנַחְנָא הִמּוֹ עַבְדוֹהִי דִי-אֱלָהּ שְׁמַיָּא וְאַרְעָא, וּבָנַיִן בַּיְתָא דִּי-הֲוָא בְנֵה מִקַּדְמַת דְּנָה שְׁנִין שַׂגִּיאָן, וּמֶלֶךְ לְיִשְׂרָאֵל רַב, בְּנָהִי וְשַׁכְלְלֵהּ.

יב לָהֵן, מִן-דִּי הַרְגִּזוּ אֲבָהָתַנָא לֶאֱלָהּ שְׁמַיָּא–יְהַב הִמּוֹ, בְּיַד נְבוּכַדְנֶצַּר מֶלֶךְ-בָּבֶל כסדיא (כַּסְדָּאָה); וּבַיְתָה דְנָה סַתְרֵהּ, וְעַמָּה הַגְלִי לְבָבֶל.  {ס}

Jan 15, 2013 - Ezra    No Comments

Ezra 5:1

Play

Podcast: Play in new window | Download (Duration: 46:57 — 16.1MB)

Subscribe: Email | RSS

א וְהִתְנַבִּי חַגַּי נְבִיָּאה, וּזְכַרְיָה בַר-עִדּוֹא נְבִיַּאיָּא, עַל-יְהוּדָיֵא, דִּי בִיהוּד וּבִירוּשְׁלֶם–בְּשֻׁם אֱלָהּ יִשְׂרָאֵל, עֲלֵיהוֹן.  {ס}

ב בֵּאדַיִן קָמוּ זְרֻבָּבֶל בַּר-שְׁאַלְתִּיאֵל, וְיֵשׁוּעַ בַּר-יוֹצָדָק, וְשָׁרִיו לְמִבְנֵא, בֵּית אֱלָהָא דִּי בִירוּשְׁלֶם; וְעִמְּהוֹן נְבִיַּאיָּא דִי-אֱלָהָא, מְסָעֲדִין לְהוֹן.  {פ}

ג בֵּהּ-זִמְנָא אֲתָה עֲלֵיהוֹן תַּתְּנַי פַּחַת עֲבַר-נַהֲרָה, וּשְׁתַר בּוֹזְנַי–וּכְנָוָתְהוֹן; וְכֵן, אָמְרִין לְהֹם–מַן-שָׂם לְכֹם טְעֵם בַּיְתָא דְנָה לִבְּנֵא, וְאֻשַּׁרְנָא דְנָה לְשַׁכְלָלָה.  {ס}

Pages:«1...530531532533534535536...610»