The Morning Kollel

Podcast: Play in new window | Download (Duration: 1:01:11 — 21.0MB)

Subscribe: Email | RSS

כו  וְאַחַר עוֹרִי, נִקְּפוּ-זֹאת;    וּמִבְּשָׂרִי, אֶחֱזֶה אֱלוֹהַּ.

כז  אֲשֶׁר אֲנִי, אֶחֱזֶה-לִּי–וְעֵינַי רָאוּ וְלֹא-זָר:    כָּלוּ כִלְיֹתַי בְּחֵקִי.

כח  כִּי תֹאמְרוּ, מַה-נִּרְדָּף-לוֹ;    וְשֹׁרֶשׁ דָּבָר, נִמְצָא-בִי.

כט  גּוּרוּ לָכֶם, מִפְּנֵי-חֶרֶב–כִּי-חֵמָה, עֲו‍ֹנוֹת חָרֶב:    לְמַעַן תֵּדְעוּן שדין (שַׁדּוּן).

פרק כ

א   וַיַּעַן, צֹפַר הַנַּעֲמָתִי; וַיֹּאמַר.

ב  לָכֵן, שְׂעִפַּי יְשִׁיבוּנִי;    וּבַעֲבוּר, חוּשִׁי בִי.

ג  מוּסַר כְּלִמָּתִי אֶשְׁמָע;    וְרוּחַ, מִבִּינָתִי יַעֲנֵנִי.

ד  הֲזֹאת יָדַעְתָּ, מִנִּי-עַד;    מִנִּי שִׂים אָדָם עֲלֵי-אָרֶץ.

ה  כִּי רִנְנַת רְשָׁעִים, מִקָּרוֹב;    וְשִׂמְחַת חָנֵף עֲדֵי-רָגַע.

ו  אִם-יַעֲלֶה לַשָּׁמַיִם שִׂיאוֹ;    וְרֹאשׁוֹ, לָעָב יַגִּיעַ.

ז  כְּגֶלְלוֹ, לָנֶצַח יֹאבֵד;    רֹאָיו, יֹאמְרוּ אַיּוֹ.

ח  כַּחֲלוֹם יָעוּף, וְלֹא יִמְצָאֻהוּ;    וְיֻדַּד, כְּחֶזְיוֹן לָיְלָה.

Podcast: Play in new window | Download (Duration: 57:48 — 19.8MB)

Subscribe: Email | RSS

ט  כְּבוֹדִי, מֵעָלַי הִפְשִׁיט;    וַיָּסַר, עֲטֶרֶת רֹאשִׁי.

י  יִתְּצֵנִי סָבִיב, וָאֵלַךְ;    וַיַּסַּע כָּעֵץ, תִּקְוָתִי.

יא  וַיַּחַר עָלַי אַפּוֹ;    וַיַּחְשְׁבֵנִי לוֹ כְצָרָיו.

יב  יַחַד, יָבֹאוּ גְדוּדָיו–וַיָּסֹלּוּ עָלַי דַּרְכָּם;    וַיַּחֲנוּ סָבִיב לְאָהֳלִי.

יג  אַחַי, מֵעָלַי הִרְחִיק;    וְיֹדְעַי, אַךְ-זָרוּ מִמֶּנִּי.

יד  חָדְלוּ קְרוֹבָי;    וּמְיֻדָּעַי שְׁכֵחוּנִי.

טו  גָּרֵי בֵיתִי וְאַמְהֹתַי, לְזָר תַּחְשְׁבֻנִי;    נָכְרִי, הָיִיתִי בְעֵינֵיהֶם.

טז  לְעַבְדִּי קָרָאתִי, וְלֹא יַעֲנֶה;    בְּמוֹ-פִי, אֶתְחַנֶּן-לוֹ.

יז  רוּחִי, זָרָה לְאִשְׁתִּי;    וְחַנֹּתִי, לִבְנֵי בִטְנִי.

יח  גַּם-עֲוִילִים, מָאֲסוּ בִי;    אָקוּמָה, וַיְדַבְּרוּ-בִי.

יט  תִּעֲבוּנִי, כָּל-מְתֵי סוֹדִי;    וְזֶה-אָהַבְתִּי, נֶהְפְּכוּ-בִי.

כ  בְּעוֹרִי וּבִבְשָׂרִי, דָּבְקָה עַצְמִי;    וָאֶתְמַלְּטָה, בְּעוֹר שִׁנָּי.

כא  חָנֻּנִי חָנֻּנִי אַתֶּם רֵעָי:    כִּי יַד-אֱלוֹהַּ, נָגְעָה בִּי.

כב  לָמָּה, תִּרְדְּפֻנִי כְמוֹ-אֵל;    וּמִבְּשָׂרִי, לֹא תִשְׂבָּעוּ.

כג  מִי-יִתֵּן אֵפוֹ, וְיִכָּתְבוּן מִלָּי:    מִי-יִתֵּן בַּסֵּפֶר וְיֻחָקוּ.

כד  בְּעֵט-בַּרְזֶל וְעֹפָרֶת–    לָעַד, בַּצּוּר יֵחָצְבוּן.

כה  וַאֲנִי יָדַעְתִּי, גֹּאֲלִי חָי;    וְאַחֲרוֹן, עַל-עָפָר יָקוּם.

כו  וְאַחַר עוֹרִי, נִקְּפוּ-זֹאת;    וּמִבְּשָׂרִי, אֶחֱזֶה אֱלוֹהַּ.

Podcast: Play in new window | Download (Duration: 1:01:59 — 21.3MB)

Subscribe: Email | RSS

טו  תִּשְׁכּוֹן בְּאָהֳלוֹ, מִבְּלִילוֹ;    יְזֹרֶה עַל-נָוֵהוּ גָפְרִית.

טז  מִתַּחַת, שָׁרָשָׁיו יִבָשׁוּ;    וּמִמַּעַל, יִמַּל קְצִירוֹ.

יז  זִכְרוֹ-אָבַד, מִנִּי-אָרֶץ;    וְלֹא-שֵׁם לוֹ, עַל-פְּנֵי-חוּץ.

יח  יֶהְדְּפֻהוּ, מֵאוֹר אֶל-חֹשֶׁךְ;    וּמִתֵּבֵל יְנִדֻּהוּ.

יט  לֹא נִין לוֹ וְלֹא-נֶכֶד בְּעַמּוֹ;    וְאֵין שָׂרִיד, בִּמְגוּרָיו.

כ  עַל-יוֹמוֹ, נָשַׁמּוּ אַחֲרֹנִים;    וְקַדְמֹנִים, אָחֲזוּ שָׂעַר.

כא  אַךְ-אֵלֶּה, מִשְׁכְּנוֹת עַוָּל;    וְזֶה, מְקוֹם לֹא-יָדַע-אֵל.

פרק יט

א    וַיַּעַן אִיּוֹב, וַיֹּאמַר.

ב  עַד-אָנָה, תּוֹגְיוּן נַפְשִׁי;    וּתְדַכּאוּנַנִי בְמִלִּים.

ג  זֶה עֶשֶׂר פְּעָמִים, תַּכְלִימוּנִי;    לֹא-תֵבֹשׁוּ, תַּהְכְּרוּ-לִי.

ד  וְאַף-אָמְנָם שָׁגִיתִי;    אִתִּי, תָּלִין מְשׁוּגָתִי.

ה  אִם-אָמְנָם, עָלַי תַּגְדִּילוּ;    וְתוֹכִיחוּ עָלַי, חֶרְפָּתִי.

ו  דְּעוּ-אֵפוֹ, כִּי-אֱלוֹהַּ עִוְּתָנִי;    וּמְצוּדוֹ, עָלַי הִקִּיף.

ז  הֵן אֶצְעַק חָמָס, וְלֹא אֵעָנֶה;    אֲשַׁוַּע, וְאֵין מִשְׁפָּט.

ח  אָרְחִי גָדַר, וְלֹא אֶעֱבוֹר;    וְעַל נְתִיבוֹתַי, חֹשֶׁךְ יָשִׂים.

Podcast: Play in new window | Download (Duration: 1:01:07 — 21.0MB)

Subscribe: Email | RSS

ג  מַדּוּעַ, נֶחְשַׁבְנוּ כַבְּהֵמָה;    נִטְמִינוּ, בְּעֵינֵיכֶם.

ד  טֹרֵף נַפְשׁוֹ, בְּאַפּוֹ:    הַלְמַעַנְךָ, תֵּעָזַב אָרֶץ; וְיֶעְתַּק-צוּר, מִמְּקֹמוֹ.

ה  גַּם אוֹר רְשָׁעִים יִדְעָךְ;    וְלֹא-יִגַּהּ, שְׁבִיב אִשּׁוֹ.

ו  אוֹר, חָשַׁךְ בְּאָהֳלוֹ;    וְנֵרוֹ, עָלָיו יִדְעָךְ.

ז  יֵצְרוּ, צַעֲדֵי אוֹנוֹ;    וְתַשְׁלִיכֵהוּ עֲצָתוֹ.

ח  כִּי-שֻׁלַּח בְּרֶשֶׁת בְּרַגְלָיו;    וְעַל-שְׂבָכָה, יִתְהַלָּךְ.

ט  יֹאחֵז בְּעָקֵב פָּח;    יַחֲזֵק עָלָיו צַמִּים.

י  טָמוּן בָּאָרֶץ חַבְלוֹ;    וּמַלְכֻּדְתּוֹ, עֲלֵי נָתִיב.

יא  סָבִיב, בִּעֲתֻהוּ בַלָּהוֹת;    וֶהֱפִיצֻהוּ לְרַגְלָיו.

יב  יְהִי-רָעֵב אֹנוֹ;    וְאֵיד, נָכוֹן לְצַלְעוֹ.

יג  יֹאכַל, בַּדֵּי עוֹרוֹ;    יֹאכַל בַּדָּיו, בְּכוֹר מָוֶת.

יד  יִנָּתֵק מֵאָהֳלוֹ, מִבְטַחוֹ;    וְתַצְעִדֵהוּ, לְמֶלֶךְ בַּלָּהוֹת.

Podcast: Play in new window | Download (Duration: 59:29 — 20.4MB)

Subscribe: Email | RSS

ט  וְיֹאחֵז צַדִּיק דַּרְכּוֹ;    וּטְהָר-יָדַיִם, יֹסִיף אֹמֶץ.

י  וְאוּלָם–כֻּלָּם תָּשֻׁבוּ, וּבֹאוּ נָא;    וְלֹא-אֶמְצָא בָכֶם חָכָם.

יא  יָמַי עָבְרוּ, זִמֹּתַי נִתְּקוּ–    מוֹרָשֵׁי לְבָבִי.

יב  לַיְלָה, לְיוֹם יָשִׂימוּ;    אוֹר, קָרוֹב מִפְּנֵי-חֹשֶׁךְ.

יג  אִם-אֲקַוֶּה, שְׁאוֹל בֵּיתִי;    בַּחֹשֶׁךְ, רִפַּדְתִּי יְצוּעָי.

יד  לַשַּׁחַת קָרָאתִי, אָבִי אָתָּה;    אִמִּי וַאֲחֹתִי, לָרִמָּה.

טו  וְאַיֵּה, אֵפוֹ תִקְוָתִי;    וְתִקְוָתִי, מִי יְשׁוּרֶנָּה.

טז  בַּדֵּי שְׁאֹל תֵּרַדְנָה;    אִם-יַחַד עַל-עָפָר נָחַת.

פקר יח

א    וַיַּעַן, בִּלְדַּד הַשֻּׁחִי; וַיֹּאמַר.

ב  עַד-אָנָה, תְּשִׂימוּן קִנְצֵי לְמִלִּין;    תָּבִינוּ, וְאַחַר נְדַבֵּר.

Podcast: Play in new window | Download (Duration: 1:02:38 — 21.5MB)

Subscribe: Email | RSS

כ  מְלִיצַי רֵעָי;    אֶל-אֱלוֹהַּ, דָּלְפָה עֵינִי.

כא  וְיוֹכַח לְגֶבֶר עִם-אֱלוֹהַּ;    וּבֶן-אָדָם לְרֵעֵהוּ.

כב  כִּי-שְׁנוֹת מִסְפָּר יֶאֱתָיוּ;    וְאֹרַח לֹא-אָשׁוּב אֶהֱלֹךְ.

פרק יז

א  רוּחִי חֻבָּלָה, יָמַי נִזְעָכוּ;    קְבָרִים לִי.

ב  אִם-לֹא הֲתֻלִים, עִמָּדִי;    וּבְהַמְּרוֹתָם, תָּלַן עֵינִי.

ג  שִׂימָה-נָּא, עָרְבֵנִי עִמָּךְ;    מִי הוּא, לְיָדִי יִתָּקֵעַ.

ד  כִּי-לִבָּם, צָפַנְתָּ מִּשָּׂכֶל;    עַל-כֵּן, לֹא תְרֹמֵם.

ה  לְחֵלֶק, יַגִּיד רֵעִים;    וְעֵינֵי בָנָיו תִּכְלֶנָה.

ו  וְהִצִּיגַנִי, לִמְשֹׁל עַמִּים;    וְתֹפֶת לְפָנִים אֶהְיֶה.

ז  וַתֵּכַהּ מִכַּעַשׂ עֵינִי;    וִיצֻרַי כַּצֵּל כֻּלָּם.

ח  יָשֹׁמּוּ יְשָׁרִים עַל-זֹאת;    וְנָקִי, עַל-חָנֵף יִתְעֹרָר.

Podcast: Play in new window | Download (Duration: 1:03:05 — 21.7MB)

Subscribe: Email | RSS

יב  שָׁלֵו הָיִיתִי, וַיְפַרְפְּרֵנִי–    וְאָחַז בְּעָרְפִּי, וַיְפַצְפְּצֵנִי;  וַיְקִימֵנִי לוֹ,    לְמַטָּרָה.

יג  יָסֹבּוּ עָלַי, רַבָּיו–    יְפַלַּח כִּלְיוֹתַי, וְלֹא יַחְמֹל;  יִשְׁפֹּךְ לָאָרֶץ,    מְרֵרָתִי.

יד  יִפְרְצֵנִי פֶרֶץ, עַל-פְּנֵי-פָרֶץ;    יָרֻץ עָלַי כְּגִבּוֹר.

טו  שַׂק תָּפַרְתִּי, עֲלֵי גִלְדִּי;    וְעֹלַלְתִּי בֶעָפָר קַרְנִי.

טז  פָּנַי חמרמרה (חֳמַרְמְרוּ), מִנִּי-בֶכִי;    וְעַל עַפְעַפַּי צַלְמָוֶת.

יז  עַל, לֹא-חָמָס בְּכַפָּי;    וּתְפִלָּתִי זַכָּה.

יח  אֶרֶץ, אַל-תְּכַסִּי דָמִי;    וְאַל-יְהִי מָקוֹם, לְזַעֲקָתִי.

יט  גַּם-עַתָּה, הִנֵּה-בַשָּׁמַיִם עֵדִי;    וְשָׂהֲדִי, בַּמְּרֹמִים.

Podcast: Play in new window | Download (Duration: 1:02:19 — 21.4MB)

Subscribe: Email | RSS

א   וַיַּעַן אִיּוֹב, וַיֹּאמַר.

ב  שָׁמַעְתִּי כְאֵלֶּה רַבּוֹת;    מְנַחֲמֵי עָמָל כֻּלְּכֶם.

ג  הֲקֵץ לְדִבְרֵי-רוּחַ;    אוֹ מַה-יַּמְרִיצְךָ, כִּי תַעֲנֶה.

ד  גַּם, אָנֹכִי–    כָּכֶם אֲדַבֵּרָה:  לוּ יֵשׁ נַפְשְׁכֶם, תַּחַת נַפְשִׁי–    אַחְבִּירָה עֲלֵיכֶם בְּמִלִּים;  וְאָנִיעָה עֲלֵיכֶם,    בְּמוֹ רֹאשִׁי.

ה  אֲאַמִּצְכֶם בְּמוֹ-פִי;    וְנִיד שְׂפָתַי יַחְשֹׂךְ.

ו  אִם-אֲדַבְּרָה, לֹא-יֵחָשֵׂךְ כְּאֵבִי;    וְאַחְדְּלָה, מַה-מִּנִּי יַהֲלֹךְ.

ז  אַךְ-עַתָּה הֶלְאָנִי;    הֲשִׁמּוֹתָ, כָּל-עֲדָתִי.

ח  וַתִּקְמְטֵנִי, לְעֵד הָיָה;    וַיָּקָם בִּי כַחֲשִׁי, בְּפָנַי יַעֲנֶה.

ט  אַפּוֹ טָרַף, וַיִּשְׂטְמֵנִי–חָרַק עָלַי בְּשִׁנָּיו;    צָרִי, יִלְטֹשׁ עֵינָיו לִי.

י  פָּעֲרוּ עָלַי, בְּפִיהֶם–בְּחֶרְפָּה, הִכּוּ לְחָיָי;    יַחַד, עָלַי יִתְמַלָּאוּן.

יא  יַסְגִּירֵנִי אֵל, אֶל עֲוִיל;    וְעַל-יְדֵי רְשָׁעִים יִרְטֵנִי.

Podcast: Play in new window | Download (Duration: 52:38 — 18.1MB)

Subscribe: Email | RSS

כד  יְבַעֲתֻהוּ, צַר וּמְצוּקָה;    תִּתְקְפֵהוּ, כְּמֶלֶךְ עָתִיד לַכִּידוֹר.

כה  כִּי-נָטָה אֶל-אֵל יָדוֹ;    וְאֶל-שַׁדַּי, יִתְגַּבָּר.

כו  יָרוּץ אֵלָיו בְּצַוָּאר;    בַּעֲבִי, גַּבֵּי מָגִנָּיו.

כז  כִּי-כִסָּה פָנָיו בְּחֶלְבּוֹ;    וַיַּעַשׂ פִּימָה עֲלֵי-כָסֶל.

כח  וַיִּשְׁכּוֹן, עָרִים נִכְחָדוֹת–בָּתִּים, לֹא-יֵשְׁבוּ לָמוֹ:    אֲשֶׁר הִתְעַתְּדוּ לְגַלִּים.

כט  לֹא-יֶעְשַׁר, וְלֹא-יָקוּם חֵילוֹ;    וְלֹא-יִטֶּה לָאָרֶץ מִנְלָם.

ל  לֹא-יָסוּר, מִנִּי-חֹשֶׁךְ–יֹנַקְתּוֹ, תְּיַבֵּשׁ שַׁלְהָבֶת;    וְיָסוּר, בְּרוּחַ פִּיו.

לא  אַל-יַאֲמֵן בַּשָּׁו נִתְעָה:    כִּי-שָׁוְא, תִּהְיֶה תְמוּרָתוֹ.

לב  בְּלֹא-יוֹמוֹ, תִּמָּלֵא;    וְכִפָּתוֹ, לֹא רַעֲנָנָה.

לג  יַחְמֹס כַּגֶּפֶן בִּסְרוֹ;    וְיַשְׁלֵךְ כַּזַּיִת, נִצָּתוֹ.

לד  כִּי-עֲדַת חָנֵף גַּלְמוּד;    וְאֵשׁ, אָכְלָה אָהֳלֵי-שֹׁחַד.

לה  הָרֹה עָמָל, וְיָלֹד אָוֶן;    וּבִטְנָם, תָּכִין מִרְמָה.

Podcast: Play in new window | Download (Duration: 59:04 — 20.3MB)

Subscribe: Email | RSS

טו  הֵן בִּקְדֹשָׁו, לֹא יַאֲמִין;    וְשָׁמַיִם, לֹא-זַכּוּ בְעֵינָיו.

טז  אַף, כִּי-נִתְעָב וְנֶאֱלָח;    אִישׁ-שֹׁתֶה כַמַּיִם עַוְלָה.

יז  אֲחַוְךָ שְׁמַע-לִי;    וְזֶה-חָזִיתִי, וַאֲסַפֵּרָה.

יח  אֲשֶׁר-חֲכָמִים יַגִּידוּ;    וְלֹא כִחֲדוּ, מֵאֲבוֹתָם.

יט  לָהֶם לְבַדָּם, נִתְּנָה הָאָרֶץ;    וְלֹא-עָבַר זָר בְּתוֹכָם.

כ  כָּל-יְמֵי רָשָׁע, הוּא מִתְחוֹלֵל;    וּמִסְפַּר שָׁנִים, נִצְפְּנוּ לֶעָרִיץ.

כא  קוֹל-פְּחָדִים בְּאָזְנָיו;    בַּשָּׁלוֹם, שׁוֹדֵד יְבוֹאֶנּוּ.

כב  לֹא-יַאֲמִין שׁוּב, מִנִּי-חֹשֶׁךְ;    וצפו (וְצָפוּי) הוּא אֱלֵי-חָרֶב.

כג  נֹדֵד הוּא לַלֶּחֶם אַיֵּה;    יָדַע, כִּי-נָכוֹן בְּיָדוֹ יוֹם-חֹשֶׁךְ.

כד  יְבַעֲתֻהוּ, צַר וּמְצוּקָה;    תִּתְקְפֵהוּ, כְּמֶלֶךְ עָתִיד לַכִּידוֹר.