The Morning Kollel

Podcast: Play in new window | Download (Duration: 1:06:33 — 22.8MB)

Subscribe: Email | RSS

יט  כֵּן-צְדָקָה לְחַיִּים;    וּמְרַדֵּף רָעָה לְמוֹתוֹ.

כ  תּוֹעֲבַת יְהוָה, עִקְּשֵׁי-לֵב;    וּרְצוֹנוֹ, תְּמִימֵי דָרֶךְ.

כא  יָד לְיָד, לֹא-יִנָּקֶה רָּע;    וְזֶרַע צַדִּיקִים נִמְלָט.

כב  נֶזֶם זָהָב, בְּאַף חֲזִיר–    אִשָּׁה יָפָה, וְסָרַת טָעַם.

כג  תַּאֲוַת צַדִּיקִים אַךְ-טוֹב;    תִּקְוַת רְשָׁעִים עֶבְרָה.

כד  יֵשׁ מְפַזֵּר, וְנוֹסָף עוֹד;    וְחֹשֵׂךְ מִיֹּשֶׁר, אַךְ-לְמַחְסוֹר.

Podcast: Play in new window | Download (Duration: 1:03:29 — 21.8MB)

Subscribe: Email | RSS

 יג  הוֹלֵךְ רָכִיל, מְגַלֶּה-סּוֹד;    וְנֶאֱמַן-רוּחַ, מְכַסֶּה דָבָר. 

יד  בְּאֵין תַּחְבֻּלוֹת, יִפָּל-עָם;    וּתְשׁוּעָה, בְּרֹב יוֹעֵץ.

טו  רַע-יֵרוֹעַ, כִּי-עָרַב זָר;    וְשֹׂנֵא תֹקְעִים בּוֹטֵחַ.

טז  אֵשֶׁת-חֵן, תִּתְמֹךְ כָּבוֹד;    וְעָרִיצִים, יִתְמְכוּ-עֹשֶׁר.

יז  גֹּמֵל נַפְשׁוֹ, אִישׁ חָסֶד;    וְעֹכֵר שְׁאֵרוֹ, אַכְזָרִי.

יח  רָשָׁע–עֹשֶׂה פְעֻלַּת-שָׁקֶר;    וְזֹרֵעַ צְדָקָה, שֶׂכֶר אֱמֶת.

Podcast: Play in new window | Download (Duration: 1:05:48 — 22.6MB)

Subscribe: Email | RSS

ח  צַדִּיק, מִצָּרָה נֶחֱלָץ;    וַיָּבֹא רָשָׁע תַּחְתָּיו.

ט  בְּפֶה–חָנֵף, יַשְׁחִת רֵעֵהוּ;    וּבְדַעַת, צַדִּיקִים יֵחָלֵצוּ.

י  בְּטוּב צַדִּיקִים, תַּעֲלֹץ קִרְיָה;    וּבַאֲבֹד רְשָׁעִים רִנָּה.

Podcast: Play in new window | Download (Duration: 1:05:31 — 22.5MB)

Subscribe: Email | RSS

א  מֹאזְנֵי מִרְמָה, תּוֹעֲבַת יְהוָה;    וְאֶבֶן שְׁלֵמָה רְצוֹנוֹ.

ב  בָּא-זָדוֹן, וַיָּבֹא קָלוֹן;    וְאֶת-צְנוּעִים חָכְמָה.

ג  תֻּמַּת יְשָׁרִים תַּנְחֵם;    וְסֶלֶף בֹּגְדִים ושדם (יְשָׁדֵּם).

ד  לֹא-יוֹעִיל הוֹן, בְּיוֹם עֶבְרָה;    וּצְדָקָה, תַּצִּיל מִמָּוֶת.

ה  צִדְקַת תָּמִים, תְּיַשֵּׁר דַּרְכּוֹ;    וּבְרִשְׁעָתוֹ, יִפֹּל רָשָׁע.

ו  צִדְקַת יְשָׁרִים, תַּצִּילֵם;    וּבְהַוַּת, בֹּגְדִים יִלָּכֵדוּ.

ז  בְּמוֹת אָדָם רָשָׁע, תֹּאבַד תִּקְוָה;    וְתוֹחֶלֶת אוֹנִים אָבָדָה.

Podcast: Play in new window | Download (Duration: 1:12:27 — 24.9MB)

Subscribe: Email | RSS

כב  בִּרְכַּת יְהוָה, הִיא תַעֲשִׁיר;    וְלֹא-יוֹסִף עֶצֶב עִמָּהּ.

כג  כִּשְׂחוֹק לִכְסִיל, עֲשׂוֹת זִמָּה;    וְחָכְמָה, לְאִישׁ תְּבוּנָה.

כד  מְגוֹרַת רָשָׁע, הִיא תְבוֹאֶנּוּ;    וְתַאֲוַת צַדִּיקִים יִתֵּן.

כה  כַּעֲבוֹר סוּפָה, וְאֵין רָשָׁע;    וְצַדִּיק, יְסוֹד עוֹלָם.

כו  כַּחֹמֶץ, לַשִּׁנַּיִם–וְכֶעָשָׁן לָעֵינָיִם:    כֵּן הֶעָצֵל, לְשֹׁלְחָיו.

כז  יִרְאַת יְהוָה, תּוֹסִיף יָמִים;    וּשְׁנוֹת רְשָׁעִים תִּקְצֹרְנָה.

כח  תּוֹחֶלֶת צַדִּיקִים שִׂמְחָה;    וְתִקְוַת רְשָׁעִים תֹּאבֵד.

כט  מָעוֹז לַתֹּם, דֶּרֶךְ יְהוָה;    וּמְחִתָּה, לְפֹעֲלֵי אָוֶן.

ל  צַדִּיק, לְעוֹלָם בַּל-יִמּוֹט;    וּרְשָׁעִים, לֹא יִשְׁכְּנוּ-אָרֶץ.

לא  פִּי-צַדִּיק, יָנוּב חָכְמָה;    וּלְשׁוֹן תַּהְפֻּכוֹת, תִּכָּרֵת.

לב  שִׂפְתֵי צַדִּיק, יֵדְעוּן רָצוֹן;    וּפִי רְשָׁעִים, תַּהְפֻּכוֹת.

Podcast: Play in new window | Download (Duration: 1:04:47 — 22.2MB)

Subscribe: Email | RSS

יז  אֹרַח לְחַיִּים, שׁוֹמֵר מוּסָר;    וְעֹזֵב תּוֹכַחַת מַתְעֶה.

יח  מְכַסֶּה שִׂנְאָה, שִׂפְתֵי-שָׁקֶר;    וּמוֹצִא דִבָּה, הוּא כְסִיל.

יט  בְּרֹב דְּבָרִים, לֹא יֶחְדַּל-פָּשַׁע;    וְחוֹשֵׂךְ שְׂפָתָיו מַשְׂכִּיל.

כ  כֶּסֶף נִבְחָר, לְשׁוֹן צַדִּיק;    לֵב רְשָׁעִים כִּמְעָט.

כא  שִׂפְתֵי צַדִּיק, יִרְעוּ רַבִּים;    וֶאֱוִילִים, בַּחֲסַר-לֵב יָמוּתוּ.

Podcast: Play in new window | Download (Duration: 1:04:24 — 22.1MB)

Subscribe: Email | RSS

ט  הוֹלֵךְ בַּתֹּם, יֵלֶךְ בֶּטַח;    וּמְעַקֵּשׁ דְּרָכָיו, יִוָּדֵעַ.

י  קֹרֵץ עַיִן, יִתֵּן עַצָּבֶת;    וֶאֱוִיל שְׂפָתַיִם, יִלָּבֵט.

יא  מְקוֹר חַיִּים, פִּי צַדִּיק;    וּפִי רְשָׁעִים, יְכַסֶּה חָמָס.

יב  שִׂנְאָה, תְּעֹרֵר מְדָנִים;    וְעַל כָּל-פְּשָׁעִים, תְּכַסֶּה אַהֲבָה.

יג  בְּשִׂפְתֵי נָבוֹן, תִּמָּצֵא חָכְמָה;    וְשֵׁבֶט, לְגֵו חֲסַר-לֵב.

יד  חֲכָמִים יִצְפְּנוּ-דָעַת;    וּפִי-אֱוִיל, מְחִתָּה קְרֹבָה.

טו  הוֹן עָשִׁיר, קִרְיַת עֻזּוֹ;    מְחִתַּת דַּלִּים רֵישָׁם.

טז  פְּעֻלַּת צַדִּיק לְחַיִּים;    תְּבוּאַת רָשָׁע לְחַטָּאת.

Podcast: Play in new window | Download (Duration: 1:08:39 — 23.6MB)

Subscribe: Email | RSS

א  מִשְׁלֵי, שְׁלֹמֹה:  בֵּן חָכָם, יְשַׂמַּח-אָב;    וּבֵן כְּסִיל, תּוּגַת אִמּוֹ.

ב  לֹא-יוֹעִילוּ, אוֹצְרוֹת רֶשַׁע;    וּצְדָקָה, תַּצִּיל מִמָּוֶת.

ג  לֹא-יַרְעִיב יְהוָה, נֶפֶשׁ צַדִּיק;    וְהַוַּת רְשָׁעִים יֶהְדֹּף.

ד  רָאשׁ–עֹשֶׂה כַף-רְמִיָּה;    וְיַד חָרוּצִים תַּעֲשִׁיר.

ה  אֹגֵר בַּקַּיִץ, בֵּן מַשְׂכִּיל;    נִרְדָּם בַּקָּצִיר, בֵּן מֵבִישׁ.

ו  בְּרָכוֹת, לְרֹאשׁ צַדִּיק;    וּפִי רְשָׁעִים, יְכַסֶּה חָמָס.

ז  זֵכֶר צַדִּיק, לִבְרָכָה;    וְשֵׁם רְשָׁעִים יִרְקָב.

ח  חֲכַם-לֵב, יִקַּח מִצְו‍ֹת;    וֶאֱוִיל שְׂפָתַיִם, יִלָּבֵט.

Podcast: Play in new window | Download (Duration: 1:03:34 — 21.8MB)

Subscribe: Email | RSS

א  מִשְׁלֵי, שְׁלֹמֹה:  בֵּן חָכָם, יְשַׂמַּח-אָב;    וּבֵן כְּסִיל, תּוּגַת אִמּוֹ.

ב  לֹא-יוֹעִילוּ, אוֹצְרוֹת רֶשַׁע;    וּצְדָקָה, תַּצִּיל מִמָּוֶת.

ג  לֹא-יַרְעִיב יְהוָה, נֶפֶשׁ צַדִּיק;    וְהַוַּת רְשָׁעִים יֶהְדֹּף.

ד  רָאשׁ–עֹשֶׂה כַף-רְמִיָּה;    וְיַד חָרוּצִים תַּעֲשִׁיר.

ה  אֹגֵר בַּקַּיִץ, בֵּן מַשְׂכִּיל;    נִרְדָּם בַּקָּצִיר, בֵּן מֵבִישׁ.

ו  בְּרָכוֹת, לְרֹאשׁ צַדִּיק;    וּפִי רְשָׁעִים, יְכַסֶּה חָמָס.

ז  זֵכֶר צַדִּיק, לִבְרָכָה;    וְשֵׁם רְשָׁעִים יִרְקָב.

Podcast: Play in new window | Download (Duration: 1:04:48 — 22.2MB)

Subscribe: Email | RSS

יד  וְיָשְׁבָה, לְפֶתַח בֵּיתָהּ–    עַל-כִּסֵּא, מְרֹמֵי קָרֶת.

טו  לִקְרֹא לְעֹבְרֵי-דָרֶךְ;    הַמְיַשְּׁרִים, אֹרְחוֹתָם.

טז  מִי-פֶתִי, יָסֻר הֵנָּה;    וַחֲסַר-לֵב, וְאָמְרָה לּוֹ.

יז  מַיִם-גְּנוּבִים יִמְתָּקוּ;    וְלֶחֶם סְתָרִים יִנְעָם.

יח  וְלֹא-יָדַע, כִּי-רְפָאִים שָׁם;    בְּעִמְקֵי שְׁאוֹל קְרֻאֶיהָ.