The Morning Kollel

Podcast: Play in new window | Download (Duration: 1:03:07 — 21.7MB)

Subscribe: Email | RSS

ד  הוֹן–יֹסִיף, רֵעִים רַבִּים;    וְדָל, מֵרֵעֵהוּ יִפָּרֵד.

ה  עֵד שְׁקָרִים, לֹא יִנָּקֶה;    וְיָפִיחַ כְּזָבִים, לֹא יִמָּלֵט.

ו  רַבִּים, יְחַלּוּ פְנֵי-נָדִיב;    וְכָל-הָרֵעַ, לְאִישׁ מַתָּן.

ז  כָּל אֲחֵי-רָשׁ, שְׂנֵאֻהוּ–    אַף כִּי מְרֵעֵהוּ, רָחֲקוּ מִמֶּנּוּ;  מְרַדֵּף אֲמָרִים    לא- (לוֹ-) הֵמָּה.

ח  קֹנֶה-לֵּב, אֹהֵב נַפְשׁוֹ;    שֹׁמֵר תְּבוּנָה, לִמְצֹא-טוֹב.

ט  עֵד שְׁקָרִים, לֹא יִנָּקֶה;    וְיָפִיחַ כְּזָבִים יֹאבֵד.

י  לֹא-נָאוֶה לִכְסִיל תַּעֲנוּג;    אַף, כִּי-לְעֶבֶד מְשֹׁל בְּשָׂרִים.

Podcast: Play in new window | Download (Duration: 56:00 — 19.2MB)

Subscribe: Email | RSS

כא  מָוֶת וְחַיִּים, בְּיַד-לָשׁוֹן;    וְאֹהֲבֶיהָ, יֹאכַל פִּרְיָהּ.

כב  מָצָא אִשָּׁה, מָצָא טוֹב;    וַיָּפֶק רָצוֹן, מֵיְהוָה.

כג  תַּחֲנוּנִים יְדַבֶּר-רָשׁ;    וְעָשִׁיר, יַעֲנֶה עַזּוֹת.

כד  אִישׁ רֵעִים, לְהִתְרֹעֵעַ;    וְיֵשׁ אֹהֵב, דָּבֵק מֵאָח.

פרק יט

א  טוֹב-רָשׁ, הוֹלֵךְ בְּתֻמּוֹ–    מֵעִקֵּשׁ שְׂפָתָיו, וְהוּא כְסִיל.

ב  גַּם בְּלֹא-דַעַת נֶפֶשׁ לֹא-טוֹב;    וְאָץ בְּרַגְלַיִם חוֹטֵא.

ג  אִוֶּלֶת אָדָם, תְּסַלֵּף דַּרְכּוֹ;    וְעַל-יְהוָה, יִזְעַף לִבּוֹ.

Podcast: Play in new window | Download (Duration: 1:06:21 — 22.8MB)

Subscribe: Email | RSS

יז  צַדִּיק הָרִאשׁוֹן בְּרִיבוֹ;    יבא- (וּבָא-) רֵעֵהוּ, וַחֲקָרוֹ.

יח  מִדְיָנִים, יַשְׁבִּית הַגּוֹרָל;    וּבֵין עֲצוּמִים יַפְרִיד.

יט  אָח–נִפְשָׁע מִקִּרְיַת-עֹז;    ומדונים (וּמִדְיָנִים), כִּבְרִיחַ אַרְמוֹן.

כ  מִפְּרִי פִי-אִישׁ, תִּשְׂבַּע בִּטְנוֹ;    תְּבוּאַת שְׂפָתָיו יִשְׂבָּע.

כא  מָוֶת וְחַיִּים, בְּיַד-לָשׁוֹן;    וְאֹהֲבֶיהָ, יֹאכַל פִּרְיָהּ.

Podcast: Play in new window | Download (Duration: 1:05:33 — 22.5MB)

Subscribe: Email | RSS

י  מִגְדַּל-עֹז, שֵׁם יְהוָה;    בּוֹ-יָרוּץ צַדִּיק וְנִשְׂגָּב.

יא  הוֹן עָשִׁיר, קִרְיַת עֻזּוֹ;    וּכְחוֹמָה נִשְׂגָּבָה, בְּמַשְׂכִּתוֹ.

יב  לִפְנֵי-שֶׁבֶר, יִגְבַּהּ לֶב-אִישׁ;    וְלִפְנֵי כָבוֹד עֲנָוָה.

יג  מֵשִׁיב דָּבָר, בְּטֶרֶם יִשְׁמָע–    אִוֶּלֶת הִיא-לוֹ, וּכְלִמָּה.

יד  רוּחַ-אִישׁ, יְכַלְכֵּל מַחֲלֵהוּ;    וְרוּחַ נְכֵאָה, מִי יִשָּׂאֶנָּה.

טו  לֵב נָבוֹן, יִקְנֶה-דָּעַת;    וְאֹזֶן חֲכָמִים, תְּבַקֶּשׁ-דָּעַת.

טז  מַתָּן אָדָם, יַרְחִיב לוֹ;    וְלִפְנֵי גְדֹלִים יַנְחֶנּוּ.

Podcast: Play in new window | Download (Duration: 1:07:52 — 23.3MB)

Subscribe: Email | RSS

ב  לֹא-יַחְפֹּץ כְּסִיל, בִּתְבוּנָה:    כִּי, אִם-בְּהִתְגַּלּוֹת לִבּוֹ.

ג  בְּבוֹא-רָשָׁע, בָּא גַם-בּוּז;    וְעִם-קָלוֹן חֶרְפָּה.

ד  מַיִם עֲמֻקִּים, דִּבְרֵי פִי-אִישׁ;    נַחַל נֹבֵעַ, מְקוֹר חָכְמָה.

ה  שְׂאֵת פְּנֵי-רָשָׁע לֹא-טוֹב–    לְהַטּוֹת צַדִּיק, בַּמִּשְׁפָּט.

ו  שִׂפְתֵי כְסִיל, יָבֹאוּ בְרִיב;    וּפִיו, לְמַהֲלֻמוֹת יִקְרָא.

ז  פִּי-כְסִיל, מְחִתָּה-לוֹ;    וּשְׂפָתָיו, מוֹקֵשׁ נַפְשׁוֹ.

ח  דִּבְרֵי נִרְגָּן, כְּמִתְלַהֲמִים;    וְהֵם, יָרְדוּ חַדְרֵי-בָטֶן.

ט  גַּם, מִתְרַפֶּה בִמְלַאכְתּוֹ–    אָח הוּא, לְבַעַל מַשְׁחִית.

Podcast: Play in new window | Download (Duration: 1:06:05 — 22.7MB)

Subscribe: Email | RSS

כו  גַּם עֲנוֹשׁ לַצַּדִּיק לֹא-טוֹב–    לְהַכּוֹת נְדִיבִים עַל-יֹשֶׁר.

כז  חוֹשֵׂךְ אֲמָרָיו, יוֹדֵעַ דָּעַת;    וקר- (יְקַר-) רוּחַ, אִישׁ תְּבוּנָה.

כח  גַּם אֱוִיל מַחֲרִישׁ, חָכָם יֵחָשֵׁב;    אֹטֵם שְׂפָתָיו נָבוֹן.

פרק יח

א  לְתַאֲוָה, יְבַקֵּשׁ נִפְרָד;    בְּכָל-תּוּשִׁיָּה, יִתְגַּלָּע.

Podcast: Play in new window | Download (Duration: 1:01:37 — 21.2MB)

Subscribe: Email | RSS

יט  אֹהֵב פֶּשַׁע, אֹהֵב מַצָּה;    מַגְבִּיהַּ פִּתְחוֹ, מְבַקֶּשׁ-שָׁבֶר.

כ  עִקֶּשׁ-לֵב, לֹא יִמְצָא-טוֹב;    וְנֶהְפָּךְ בִּלְשׁוֹנוֹ, יִפּוֹל בְּרָעָה.

כא  יֹלֵד כְּסִיל, לְתוּגָה לוֹ;    וְלֹא-יִשְׂמַח, אֲבִי נָבָל.

כב  לֵב שָׂמֵחַ, יֵיטִיב גֵּהָה;    וְרוּחַ נְכֵאָה, תְּיַבֶּשׁ-גָּרֶם.

כג  שֹׁחַד מֵחֵק, רָשָׁע יִקָּח–    לְהַטּוֹת, אָרְחוֹת מִשְׁפָּט.

כד  אֶת-פְּנֵי מֵבִין חָכְמָה;    וְעֵינֵי כְסִיל, בִּקְצֵה-אָרֶץ.

כה  כַּעַס לְאָבִיו, בֵּן כְּסִיל;    וּמֶמֶר, לְיוֹלַדְתּוֹ.

Podcast: Play in new window | Download (Duration: 1:02:55 — 21.6MB)

Subscribe: Email | RSS

טו  מַצְדִּיק רָשָׁע, וּמַרְשִׁיעַ צַדִּיק–    תּוֹעֲבַת יְהוָה, גַּם-שְׁנֵיהֶם.

טז  לָמָּה-זֶּה מְחִיר בְּיַד-כְּסִיל–    לִקְנוֹת חָכְמָה וְלֶב-אָיִן.

יז  בְּכָל-עֵת, אֹהֵב הָרֵעַ;    וְאָח לְצָרָה, יִוָּלֵד.

יח  אָדָם חֲסַר-לֵב, תּוֹקֵעַ כָּף;    עֹרֵב עֲרֻבָּה, לִפְנֵי רֵעֵהוּ.

Podcast: Play in new window | Download (Duration: 1:00:29 — 20.8MB)

Subscribe: Email | RSS

י  תֵּחַת גְּעָרָה בְמֵבִין–    מֵהַכּוֹת כְּסִיל מֵאָה.

יא  אַךְ-מְרִי יְבַקֶּשׁ-רָע;    וּמַלְאָךְ אַכְזָרִי, יְשֻׁלַּח-בּוֹ.

יב  פָּגוֹשׁ דֹּב שַׁכּוּל בְּאִישׁ;    וְאַל-כְּסִיל, בְּאִוַּלְתּוֹ.

יג  מֵשִׁיב רָעָה, תַּחַת טוֹבָה–    לֹא-תמיש (תָמוּשׁ) רָעָה, מִבֵּיתוֹ.

יד  פּוֹטֵר מַיִם, רֵאשִׁית מָדוֹן;    וְלִפְנֵי הִתְגַּלַּע, הָרִיב נְטוֹשׁ.

Podcast: Play in new window | Download (Duration: 1:03:16 — 21.7MB)

Subscribe: Email | RSS

ה  לֹעֵג לָרָשׁ, חֵרֵף עֹשֵׂהוּ;    שָׂמֵחַ לְאֵיד, לֹא יִנָּקֶה.

ו  עֲטֶרֶת זְקֵנִים, בְּנֵי בָנִים;    וְתִפְאֶרֶת בָּנִים אֲבוֹתָם.

ז  לֹא-נָאוָה לְנָבָל שְׂפַת-יֶתֶר;    אַף, כִּי-לְנָדִיב שְׂפַת-שָׁקֶר.

ח  אֶבֶן-חֵן הַשֹּׁחַד, בְּעֵינֵי בְעָלָיו;    אֶל-כָּל-אֲשֶׁר יִפְנֶה יַשְׂכִּיל.

ט  מְכַסֶּה-פֶּשַׁע, מְבַקֵּשׁ אַהֲבָה;    וְשֹׁנֶה בְדָבָר, מַפְרִיד אַלּוּף.