The Morning Kollel

Podcast: Play in new window | Download (Duration: 1:07:11 — 23.1MB)

Subscribe: Email | RSS

א  טוֹב פַּת חֲרֵבָה, וְשַׁלְוָה-בָהּ–    מִבַּיִת, מָלֵא זִבְחֵי-רִיב.

ב  עֶבֶד-מַשְׂכִּיל–יִמְשֹׁל, בְּבֵן מֵבִישׁ;    וּבְתוֹךְ אַחִים, יַחֲלֹק נַחֲלָה.

ג  מַצְרֵף לַכֶּסֶף, וְכוּר לַזָּהָב;    וּבֹחֵן לִבּוֹת יְהוָה.

ד  מֵרַע, מַקְשִׁיב עַל-שְׂפַת-אָוֶן;    שֶׁקֶר מֵזִין, עַל-לְשׁוֹן הַוּ‍ֹת.

ה  לֹעֵג לָרָשׁ, חֵרֵף עֹשֵׂהוּ;    שָׂמֵחַ לְאֵיד, לֹא יִנָּקֶה.

Podcast: Play in new window | Download (Duration: 1:01:57 — 21.3MB)

Subscribe: Email | RSS

כז  אִישׁ בְּלִיַּעַל, כֹּרֶה רָעָה;    וְעַל-שפתיו (שְׂפָתוֹ), כְּאֵשׁ צָרָבֶת.

כח  אִישׁ תַּהְפֻּכוֹת, יְשַׁלַּח מָדוֹן;    וְנִרְגָּן, מַפְרִיד אַלּוּף.

כט  אִישׁ חָמָס, יְפַתֶּה רֵעֵהוּ;    וְהוֹלִיכוֹ, בְּדֶרֶךְ לֹא-טוֹב.

ל  עֹצֶה עֵינָיו, לַחְשֹׁב תַּהְפֻּכוֹת;    קֹרֵץ שְׂפָתָיו, כִּלָּה רָעָה.

לא  עֲטֶרֶת תִּפְאֶרֶת שֵׂיבָה;    בְּדֶרֶךְ צְדָקָה, תִּמָּצֵא.

לב  טוֹב אֶרֶךְ אַפַּיִם, מִגִּבּוֹר;    וּמֹשֵׁל בְּרוּחוֹ, מִלֹּכֵד עִיר.

לג  בַּחֵיק, יוּטַל אֶת-הַגּוֹרָל;    וּמֵיְהוָה, כָּל-מִשְׁפָּטוֹ.

Podcast: Play in new window | Download (Duration: 52:27 — 18.0MB)

Subscribe: Email | RSS

כא  לַחֲכַם-לֵב, יִקָּרֵא נָבוֹן;    וּמֶתֶק שְׂפָתַיִם, יֹסִיף לֶקַח.

כב  מְקוֹר חַיִּים, שֵׂכֶל בְּעָלָיו;    וּמוּסַר אֱוִלִים אִוֶּלֶת.

כג  לֵב חָכָם, יַשְׂכִּיל פִּיהוּ;    וְעַל-שְׂפָתָיו, יֹסִיף לֶקַח.

כד  צוּף-דְּבַשׁ, אִמְרֵי-נֹעַם;    מָתוֹק לַנֶּפֶשׁ, וּמַרְפֵּא לָעָצֶם.

כה  יֵשׁ דֶּרֶךְ יָשָׁר, לִפְנֵי-אִישׁ;    וְאַחֲרִיתָהּ, דַּרְכֵי-מָוֶת.

כו  נֶפֶשׁ עָמֵל, עָמְלָה לּוֹ:    כִּי-אָכַף עָלָיו פִּיהוּ.

Podcast: Play in new window | Download (Duration: 59:18 — 20.4MB)

Subscribe: Email | RSS

יב  תּוֹעֲבַת מְלָכִים, עֲשׂוֹת רֶשַׁע:    כִּי בִצְדָקָה, יִכּוֹן כִּסֵּא.

יג  רְצוֹן מְלָכִים, שִׂפְתֵי-צֶדֶק;    וְדֹבֵר יְשָׁרִים יֶאֱהָב.

יד  חֲמַת-מֶלֶךְ מַלְאֲכֵי-מָוֶת;    וְאִישׁ חָכָם יְכַפְּרֶנָּה.

טו  בְּאוֹר-פְּנֵי-מֶלֶךְ חַיִּים;    וּרְצוֹנוֹ, כְּעָב מַלְקוֹשׁ.

טז  קְנֹה-חָכְמָה–מַה-טּוֹב מֵחָרוּץ;    וּקְנוֹת בִּינָה, נִבְחָר מִכָּסֶף.

יז  מְסִלַּת יְשָׁרִים, סוּר מֵרָע;    שֹׁמֵר נַפְשׁוֹ, נֹצֵר דַּרְכּוֹ.

יח  לִפְנֵי-שֶׁבֶר גָּאוֹן;    וְלִפְנֵי כִשָּׁלוֹן, גֹּבַהּ רוּחַ.

יט  טוֹב שְׁפַל-רוּחַ, אֶת-עניים (עֲנָוִים);    מֵחַלֵּק שָׁלָל, אֶת-גֵּאִים.

כ  מַשְׂכִּיל עַל-דָּבָר, יִמְצָא-טוֹב;    וּבוֹטֵחַ בַּיהוָה אַשְׁרָיו.

Podcast: Play in new window | Download (Duration: 1:04:20 — 22.1MB)

Subscribe: Email | RSS

ט  לֵב אָדָם, יְחַשֵּׁב דַּרְכּוֹ;    וַיהוָה, יָכִין צַעֲדוֹ.

י  קֶסֶם עַל-שִׂפְתֵי-מֶלֶךְ;    בְּמִשְׁפָּט, לֹא יִמְעַל-פִּיו.

יא  פֶּלֶס, וּמֹאזְנֵי מִשְׁפָּט–לַיהוָה;    מַעֲשֵׂהוּ, כָּל-אַבְנֵי-כִיס.

Podcast: Play in new window | Download (Duration: 1:00:41 — 20.8MB)

Subscribe: Email | RSS

ד כֹּל פָּעַל יְהוָה, לַמַּעֲנֵהוּ;    וְגַם-רָשָׁע, לְיוֹם רָעָה.

ה  תּוֹעֲבַת יְהוָה, כָּל-גְּבַהּ-לֵב;    יָד לְיָד, לֹא יִנָּקֶה.

ו  בְּחֶסֶד וֶאֱמֶת, יְכֻפַּר עָו‍ֹן;    וּבְיִרְאַת יְהוָה, סוּר מֵרָע.

ז  בִּרְצוֹת יְהוָה, דַּרְכֵי-אִישׁ;    גַּם-אוֹיְבָיו, יַשְׁלִם אִתּוֹ.

ח  טוֹב-מְעַט, בִּצְדָקָה–    מֵרֹב תְּבוּאוֹת, בְּלֹא מִשְׁפָּט.

Podcast: Play in new window | Download (Duration: 1:03:38 — 21.8MB)

Subscribe: Email | RSS

לא  אֹזֶן–שֹׁמַעַת, תּוֹכַחַת חַיִּים:    בְּקֶרֶב חֲכָמִים תָּלִין.

לב  פּוֹרֵעַ מוּסָר, מוֹאֵס נַפְשׁוֹ;    וְשׁוֹמֵעַ תּוֹכַחַת, קוֹנֶה לֵּב.

לג  יִרְאַת יְהוָה, מוּסַר חָכְמָה;    וְלִפְנֵי כָבוֹד עֲנָוָה.

פרק טז

א  לְאָדָם מַעַרְכֵי-לֵב;    וּמֵיְהוָה, מַעֲנֵה לָשׁוֹן.

ב  כָּל-דַּרְכֵי-אִישׁ, זַךְ בְּעֵינָיו;    וְתֹכֵן רוּחוֹת יְהוָה.

ג  גֹּל אֶל-יְהוָה מַעֲשֶׂיךָ;    וְיִכֹּנוּ, מַחְשְׁבֹתֶיךָ.

Podcast: Play in new window | Download (Duration: 1:04:38 — 22.2MB)

Subscribe: Email | RSS

כג  שִׂמְחָה לָאִישׁ, בְּמַעֲנֵה-פִיו;    וְדָבָר בְּעִתּוֹ מַה-טּוֹב.

כד  אֹרַח חַיִּים, לְמַעְלָה לְמַשְׂכִּיל–    לְמַעַן סוּר, מִשְּׁאוֹל מָטָּה.

כה  בֵּית גֵּאִים, יִסַּח יְהוָה;    וְיַצֵּב, גְּבוּל אַלְמָנָה.

כו  תּוֹעֲבַת יְהוָה, מַחְשְׁבוֹת רָע;    וּטְהֹרִים, אִמְרֵי-נֹעַם.

כז  עֹכֵר בֵּיתוֹ, בּוֹצֵעַ בָּצַע;    וְשׂוֹנֵא מַתָּנֹת יִחְיֶה.

כח  לֵב צַדִּיק, יֶהְגֶּה לַעֲנוֹת;    וּפִי רְשָׁעִים, יַבִּיעַ רָעוֹת.

כט  רָחוֹק יְהוָה, מֵרְשָׁעִים;    וּתְפִלַּת צַדִּיקִים יִשְׁמָע.

ל  מְאוֹר-עֵינַיִם, יְשַׂמַּח-לֵב;    שְׁמוּעָה טוֹבָה, תְּדַשֶּׁן-עָצֶם.

Podcast: Play in new window | Download (Duration: 1:03:46 — 21.9MB)

Subscribe: Email | RSS

טז  טוֹב-מְעַט, בְּיִרְאַת יְהוָה–    מֵאוֹצָר רָב, וּמְהוּמָה בוֹ.

יז  טוֹב אֲרֻחַת יָרָק, וְאַהֲבָה-שָׁם–    מִשּׁוֹר אָבוּס, וְשִׂנְאָה-בוֹ.

יח  אִישׁ חֵמָה, יְגָרֶה מָדוֹן;    וְאֶרֶךְ אַפַּיִם, יַשְׁקִיט רִיב.

יט  דֶּרֶךְ עָצֵל, כִּמְשֻׂכַת חָדֶק;    וְאֹרַח יְשָׁרִים סְלֻלָה.

כ  בֵּן חָכָם, יְשַׂמַּח-אָב;    וּכְסִיל אָדָם, בּוֹזֶה אִמּוֹ.

כא  אִוֶּלֶת, שִׂמְחָה לַחֲסַר-לֵב;    וְאִישׁ תְּבוּנָה, יְיַשֶּׁר-לָכֶת.

כב  הָפֵר מַחֲשָׁבוֹת, בְּאֵין סוֹד;    וּבְרֹב יוֹעֲצִים תָּקוּם.

Podcast: Play in new window | Download (Duration: 1:06:35 — 22.9MB)

Subscribe: Email | RSS

ז  שִׂפְתֵי חֲכָמִים, יְזָרוּ דָעַת;    וְלֵב כְּסִילִים לֹא-כֵן.

ח  זֶבַח רְשָׁעִים, תּוֹעֲבַת יְהוָה;    וּתְפִלַּת יְשָׁרִים רְצוֹנוֹ.

ט  תּוֹעֲבַת יְהוָה, דֶּרֶךְ רָשָׁע;    וּמְרַדֵּף צְדָקָה יֶאֱהָב.

י  מוּסָר רָע, לְעֹזֵב אֹרַח;    שׂוֹנֵא תוֹכַחַת יָמוּת.

יא  שְׁאוֹל וַאֲבַדּוֹן, נֶגֶד יְהוָה;    אַף, כִּי-לִבּוֹת בְּנֵי-אָדָם.

יב  לֹא יֶאֱהַב-לֵץ, הוֹכֵחַ לוֹ;    אֶל-חֲכָמִים, לֹא יֵלֵךְ.

יג  לֵב שָׂמֵחַ, יֵיטִב פָּנִים;    וּבְעַצְּבַת-לֵב, רוּחַ נְכֵאָה.

יד  לֵב נָבוֹן, יְבַקֶּשׁ-דָּעַת;    ופני (וּפִי) כְסִילִים, יִרְעֶה אִוֶּלֶת.

טו  כָּל-יְמֵי עָנִי רָעִים;    וְטוֹב-לֵב, מִשְׁתֶּה תָמִיד.