Aug 22, 2013 - Divrei Hayamim    No Comments

Divrei Hayamim I 12:19

Play

יט וְרוּחַ לָבְשָׁה, אֶת-עֲמָשַׂי רֹאשׁ השלושים (הַשָּׁלִישִׁים), לְךָ דָוִיד וְעִמְּךָ בֶן-יִשַׁי, שָׁלוֹם שָׁלוֹם לְךָ וְשָׁלוֹם לְעֹזְרֶךָ כִּי עֲזָרְךָ אֱלֹהֶיךָ; וַיְקַבְּלֵם דָּוִיד, וַיִּתְּנֵם בְּרָאשֵׁי הַגְּדוּד.  {פ}

כ וּמִמְּנַשֶּׁה נָפְלוּ עַל-דָּוִיד, בְּבֹאוֹ עִם-פְּלִשְׁתִּים עַל-שָׁאוּל לַמִּלְחָמָה–וְלֹא עֲזָרֻם:  כִּי בְעֵצָה, שִׁלְּחֻהוּ סַרְנֵי פְלִשְׁתִּים לֵאמֹר, בְּרָאשֵׁינוּ, יִפּוֹל אֶל-אֲדֹנָיו שָׁאוּל.

כא בְּלֶכְתּוֹ אֶל-צִיקְלַג, נָפְלוּ עָלָיו מִמְּנַשֶּׁה עַדְנַח וְיוֹזָבָד וִידִיעֲאֵל וּמִיכָאֵל וְיוֹזָבָד, וֶאֱלִיהוּא, וְצִלְּתָי:  רָאשֵׁי הָאֲלָפִים, אֲשֶׁר לִמְנַשֶּׁה.

כב וְהֵמָּה, עָזְרוּ עִם-דָּוִיד עַל-הַגְּדוּד, כִּי-גִבּוֹרֵי חַיִל, כֻּלָּם; וַיִּהְיוּ שָׂרִים, בַּצָּבָא.

כג כִּי לְעֶת-יוֹם בְּיוֹם, יָבֹאוּ עַל-דָּוִיד לְעָזְרוֹ–עַד-לְמַחֲנֶה גָדוֹל, כְּמַחֲנֵה אֱלֹהִים.  {פ}

VN:F [1.9.21_1169]
Rating: 0.0/5 (0 votes cast)