Aug 28, 2013 - Divrei Hayamim    No Comments

Divrei Hayamim I 13:8

Play

ח וְדָוִיד וְכָל-יִשְׂרָאֵל, מְשַׂחֲקִים לִפְנֵי הָאֱלֹהִים–בְּכָל-עֹז; וּבְשִׁירִים וּבְכִנֹּרוֹת וּבִנְבָלִים וּבְתֻפִּים, וּבִמְצִלְתַּיִם וּבַחֲצֹצְרוֹת.

ט וַיָּבֹאוּ, עַד-גֹּרֶן כִּידֹן; וַיִּשְׁלַח עֻזָּא אֶת-יָדוֹ, לֶאֱחֹז אֶת-הָאָרוֹן–כִּי שָׁמְטוּ, הַבָּקָר.

י וַיִּחַר-אַף יְהוָה, בְּעֻזָּא, וַיַּכֵּהוּ, עַל אֲשֶׁר-שָׁלַח יָדוֹ עַל-הָאָרוֹן; וַיָּמָת שָׁם, לִפְנֵי אֱלֹהִים.

יא וַיִּחַר לְדָוִיד, כִּי-פָרַץ יְהוָה פֶּרֶץ בְּעֻזָּא; וַיִּקְרָא לַמָּקוֹם הַהוּא, פֶּרֶץ עֻזָּא, עַד, הַיּוֹם הַזֶּה.

יב וַיִּירָא דָוִיד אֶת-הָאֱלֹהִים, בַּיּוֹם הַהוּא לֵאמֹר:  הֵיךְ אָבִיא אֵלַי, אֵת אֲרוֹן הָאֱלֹהִים.

יג וְלֹא-הֵסִיר דָּוִיד אֶת-הָאָרוֹן אֵלָיו, אֶל-עִיר דָּוִיד; וַיַּטֵּהוּ, אֶל-בֵּית עֹבֵד-אֱדֹם הַגִּתִּי.

יד וַיֵּשֶׁב אֲרוֹן הָאֱלֹהִים עִם-בֵּית עֹבֵד אֱדֹם, בְּבֵיתוֹ–שְׁלֹשָׁה חֳדָשִׁים; וַיְבָרֶךְ יְהוָה אֶת-בֵּית עֹבֵד-אֱדֹם, וְאֶת-כָּל-אֲשֶׁר-לוֹ.  {ס}

VN:F [1.9.21_1169]
Rating: 0.0/5 (0 votes cast)