Aug 2, 2013 - Divrei Hayamim    No Comments

Divrei Hayamim I 7:12

Play

יב וְשֻׁפִּם וְחֻפִּם בְּנֵי עִיר, חֻשִׁם בְּנֵי אַחֵר.

יג בְּנֵי נַפְתָּלִי, יַחֲצִיאֵל וְגוּנִי וְיֵצֶר וְשַׁלּוּם–בְּנֵי בִלְהָה.  {פ}

יד בְּנֵי מְנַשֶּׁה, אַשְׂרִיאֵל אֲשֶׁר יָלָדָה; פִּילַגְשׁוֹ, הָאֲרַמִּיָּה, יָלְדָה, אֶת-מָכִיר אֲבִי גִלְעָד.

טו וּמָכִיר לָקַח אִשָּׁה, לְחֻפִּים וּלְשֻׁפִּים, וְשֵׁם אֲחֹתוֹ מַעֲכָה, וְשֵׁם הַשֵּׁנִי צְלָפְחָד; וַתִּהְיֶנָה לִצְלָפְחָד, בָּנוֹת.

טז וַתֵּלֶד מַעֲכָה אֵשֶׁת-מָכִיר, בֵּן, וַתִּקְרָא שְׁמוֹ פֶּרֶשׁ, וְשֵׁם אָחִיו שָׁרֶשׁ; וּבָנָיו, אוּלָם וָרָקֶם.

יז וּבְנֵי אוּלָם, בְּדָן; אֵלֶּה בְּנֵי גִלְעָד, בֶּן-מָכִיר בֶּן-מְנַשֶּׁה.

יח וַאֲחֹתוֹ, הַמֹּלֶכֶת–יָלְדָה, אֶת-אִישְׁהוֹד, וְאֶת-אֲבִיעֶזֶר, וְאֶת-מַחְלָה.

יט וַיִּהְיוּ, בְּנֵי שְׁמִידָע–אַחְיָן וָשֶׁכֶם, וְלִקְחִי וַאֲנִיעָם.  {פ}

Got anything to say? Go ahead and leave a comment!