Jun 26, 2014 - Iyov    No Comments

Iyov 31:2

Play

ב  גַּם-כֹּחַ יְדֵיהֶם, לָמָּה לִּי;    עָלֵימוֹ, אָבַד כָּלַח.

ג  בְּחֶסֶר וּבְכָפָן, גַּלְמוּד:    הַעֹרְקִים צִיָּה–אֶמֶשׁ, שׁוֹאָה וּמְשֹׁאָה.

ד  הַקֹּטְפִים מַלּוּחַ עֲלֵי-שִׂיחַ;    וְשֹׁרֶשׁ רְתָמִים לַחְמָם.

ה  מִן-גֵּו יְגֹרָשׁוּ;    יָרִיעוּ עָלֵימוֹ, כַּגַּנָּב.

ו  בַּעֲרוּץ נְחָלִים לִשְׁכֹּן;    חֹרֵי עָפָר וְכֵפִים.

ז  בֵּין-שִׂיחִים יִנְהָקוּ;    תַּחַת חָרוּל יְסֻפָּחוּ.

ח  בְּנֵי-נָבָל, גַּם-בְּנֵי בְלִי-שֵׁם–    נִכְּאוּ, מִן-הָאָרֶץ.

ט  וְעַתָּה, נְגִינָתָם הָיִיתִי;    וָאֱהִי לָהֶם לְמִלָּה.

י  תִּעֲבוּנִי, רָחֲקוּ מֶנִּי;    וּמִפָּנַי, לֹא-חָשְׂכוּ רֹק.

יא  כִּי-יתרו (יִתְרִי) פִתַּח, וַיְעַנֵּנִי;    וְרֶסֶן, מִפָּנַי שִׁלֵּחוּ.

יב  עַל-יָמִין, פִּרְחַח יָקוּמוּ:    רַגְלַי שִׁלֵּחוּ; וַיָּסֹלּוּ עָלַי, אָרְחוֹת אֵידָם.

יג  נָתְסוּ, נְתִיבָתִי:    לְהַוָּתִי יֹעִילוּ; לֹא עֹזֵר לָמוֹ.

Got anything to say? Go ahead and leave a comment!