Iyov 34:17
Podcast: Play in new window | Download (Duration: 1:03:55 — 21.9MB)
יז הַאַף שׂוֹנֵא מִשְׁפָּט יַחֲבוֹשׁ; וְאִם-צַדִּיק כַּבִּיר תַּרְשִׁיעַ.
יח הַאֲמֹר לְמֶלֶךְ בְּלִיָּעַל– רָשָׁע, אֶל-נְדִיבִים.
יט אֲשֶׁר לֹא-נָשָׂא, פְּנֵי שָׂרִים, וְלֹא נִכַּר-שׁוֹעַ, לִפְנֵי-דָל: כִּי-מַעֲשֵׂה יָדָיו כֻּלָּם.
כ רֶגַע, יָמֻתוּ– וַחֲצוֹת לָיְלָה: יְגֹעֲשׁוּ עָם וְיַעֲבֹרוּ; וְיָסִירוּ אַבִּיר, לֹא בְיָד.
כא כִּי-עֵינָיו, עַל-דַּרְכֵי-אִישׁ; וְכָל-צְעָדָיו יִרְאֶה.
כב אֵין-חֹשֶׁךְ, וְאֵין צַלְמָוֶת– לְהִסָּתֶר שָׁם, פֹּעֲלֵי אָוֶן.
כג כִּי לֹא עַל-אִישׁ, יָשִׂים עוֹד– לַהֲלֹךְ אֶל-אֵל, בַּמִּשְׁפָּט.
כד יָרֹעַ כַּבִּירִים לֹא-חֵקֶר; וַיַּעֲמֵד אֲחֵרִים תַּחְתָּם.
כה לָכֵן–יַכִּיר, מַעְבָּדֵיהֶם; וְהָפַךְ לַיְלָה, וְיִדַּכָּאוּ.
כו תַּחַת-רְשָׁעִים סְפָקָם– בִּמְקוֹם רֹאִים.
כז אֲשֶׁר עַל-כֵּן, סָרוּ מֵאַחֲרָיו; וְכָל-דְּרָכָיו, לֹא הִשְׂכִּילוּ.
כח לְהָבִיא עָלָיו, צַעֲקַת-דָּל; וְצַעֲקַת עֲנִיִּים יִשְׁמָע.
כט וְהוּא יַשְׁקִט, וּמִי יַרְשִׁעַ– וְיַסְתֵּר פָּנִים, וּמִי יְשׁוּרֶנּוּ; וְעַל-גּוֹי וְעַל-אָדָם יָחַד.