Jul 15, 2014 - Iyov No Comments
Iyov 35:9
Podcast: Play in new window | Download (Duration: 45:52 — 15.8MB)
ט מֵרֹב, עֲשׁוּקִים יַזְעִיקוּ; יְשַׁוְּעוּ מִזְּרוֹעַ רַבִּים.
י וְלֹא-אָמַר–אַיֵּה, אֱלוֹהַּ עֹשָׂי: נֹתֵן זְמִרוֹת בַּלָּיְלָה.
יא מַלְּפֵנוּ, מִבַּהֲמוֹת אָרֶץ; וּמֵעוֹף הַשָּׁמַיִם יְחַכְּמֵנוּ.
יב שָׁם יִצְעֲקוּ, וְלֹא יַעֲנֶה– מִפְּנֵי, גְּאוֹן רָעִים.
יג אַךְ-שָׁוְא, לֹא-יִשְׁמַע אֵל; וְשַׁדַּי, לֹא יְשׁוּרֶנָּה.
יד אַף כִּי-תֹאמַר, לֹא תְשׁוּרֶנּוּ; דִּין לְפָנָיו, וּתְחוֹלֵל לוֹ.
טו וְעַתָּה–כִּי-אַיִן, פָּקַד אַפּוֹ; וְלֹא-יָדַע בַּפַּשׁ מְאֹד.
טז וְאִיּוֹב, הֶבֶל יִפְצֶה-פִּיהוּ; בִּבְלִי-דַעַת, מִלִּין יַכְבִּר.