Mar 19, 2014 - Iyov    No Comments

Iyov 6:7

Play

ז  מֵאֲנָה לִנְגּוֹעַ נַפְשִׁי;    הֵמָּה, כִּדְוֵי לַחְמִי.

ח  מִי-יִתֵּן, תָּבוֹא שֶׁאֱלָתִי;    וְתִקְוָתִי, יִתֵּן אֱלוֹהַּ.

ט  וְיֹאֵל אֱלוֹהַּ, וִידַכְּאֵנִי;    יַתֵּר יָדוֹ, וִיבַצְּעֵנִי.

י  וּתְהִי-עוֹד, נֶחָמָתִי–    וַאֲסַלְּדָה בְחִילָה, לֹא יַחְמוֹל:  כִּי-לֹא כִחַדְתִּי,    אִמְרֵי קָדוֹשׁ.

יא  מַה-כֹּחִי כִי-אֲיַחֵל;    וּמַה-קִּצִּי, כִּי-אַאֲרִיךְ נַפְשִׁי.

יב  אִם-כֹּחַ אֲבָנִים כֹּחִי;    אִם-בְּשָׂרִי נָחוּשׁ.

יג  הַאִם אֵין עֶזְרָתִי בִי;    וְתֻשִׁיָּה, נִדְּחָה מִמֶּנִּי.

יד  לַמָּס מֵרֵעֵהוּ חָסֶד;    וְיִרְאַת שַׁדַּי יַעֲזוֹב.

Got anything to say? Go ahead and leave a comment!