Mar 28, 2014 - Iyov    No Comments

Iyov 9:11

Play

יא  הֵן יַעֲבֹר עָלַי, וְלֹא אֶרְאֶה;    וְיַחֲלֹף, וְלֹא-אָבִין לוֹ.

יב  הֵן יַחְתֹּף, מִי יְשִׁיבֶנּוּ;    מִי-יֹאמַר אֵלָיו, מַה-תַּעֲשֶׂה.

יג  אֱלוֹהַּ, לֹא-יָשִׁיב אַפּוֹ;    תַּחְתָּו שָׁחֲחוּ, עֹזְרֵי רָהַב.

יד  אַף, כִּי-אָנֹכִי אֶעֱנֶנּוּ;    אֶבְחֲרָה דְבָרַי עִמּוֹ.

טו  אֲשֶׁר אִם-צָדַקְתִּי, לֹא אֶעֱנֶה;    לִמְשֹׁפְטִי, אֶתְחַנָּן.

טז  אִם-קָרָאתִי וַיַּעֲנֵנִי–    לֹא-אַאֲמִין, כִּי-יַאֲזִין קוֹלִי.

יז  אֲשֶׁר-בִּשְׂעָרָה יְשׁוּפֵנִי;    וְהִרְבָּה פְצָעַי חִנָּם.

יח  לֹא-יִתְּנֵנִי, הָשֵׁב רוּחִי:    כִּי יַשְׂבִּעַנִי, מַמְּרֹרִים.

יט  אִם-לְכֹחַ אַמִּיץ הִנֵּה;    וְאִם-לְמִשְׁפָּט, מִי יוֹעִידֵנִי.

Got anything to say? Go ahead and leave a comment!